وصفة لتحضير كفتة بالبندورة

وصفة لتحضير كفتة بالبندورة

السلام عليكم ورحمة الله وبركاته
صباح الخير للجميع اليوم بدنا نحضر
كفتة بالبندورة

المكوّنات

كيلو لحمة ناعمة
2 حبة بصل وسط مبروشة
3 حبات ثوم مهروسة
قرن فليفلة
قبضة بقدونس ناعم
رشة فلفل اسمر
ملح حسب الرغبة
للوجه:
2 حبات بندورة
2 قرن فليفلة كامل
الصوص:
2 حبة بندورة وسط معصورة
ملعقة كبيرة رب البندورة
ملعقة كبيرة دبس فليفلة

الخطوات

منفرم البصل والتوم والفليفلة ناعم والبقدونس ومنخلطها مع اللحمة والفلفل الاسمر والملح والبقدونس.

منمدها بالصينية ومنرتب السطح عشان يكون مستوي واحد. منرتب البندورة والفليفلة.

مندخلها على الفرن على حرارة 200 درجة من الجهتين تقريبا نصف ساعة . منطالعها.

الصوص منعصر البندورة ومنحط رب البندورة والفليفلة ومنحط رشة فلفل اسمر وملح ومنغليها تقريبا 5 دقائق وبس تطلع الصينية منحط الخليط على الصينية.

منرجعها على الفرن ومنرفعها على الشبك لتتسبك وتاخد لون حلو.

وصحتين وهنا انشاء الله ❤️ ❤️ ❤️ ❤️